ബലി കുടീരങ്ങള്ക്ക് കീഴില് അമര്ന്നൊരു
വിഫല സ്പനം അല്ലെന്റെ ചെന്കാഴ്ചകള് ..
കഴുകനെത്തി കട കണ്ണ് കൊത്തവേ..
കുതറി മാറി തോടുത്തോരാ കാഴ്ചകള്.. !!
ചുടല ജ്വാലയ്ക്ക് മേലെ പറന്നൊരു
വ്രണിത കാലത്തിന് നേര് പകല് കാഴ്ചകള്..
ഉണ്ണീ ഉറങ്ങു ... ഉണര്ത്ത് പാട്ടില്ലിനി
ഉന്മാദ ശീലിന് പടിഞ്ഞാറന് പാട്ടിലെന്
മണ്ണില് മയങ്ങി നീ "മാനം" മറക്കവേ..
നിന്നില് ഞാന് വെള്ളി പിണര് തന്ന കാഴ്ചകള്..
കാലം ഉടുപ്പിച്ച തൂ വെള്ള ചേലയില് .
ചായം പകര്ത്തി തലപ്പാവ് തുന്നിയ
ചേലില്, നിന് മാനം ചരക്കായ നീതിയില്
ചോര പൊടിപ്പിച്ച നേരിന്റെ കാഴ്ചകള്...
ബലി കുടീരങ്ങള്ക്ക് കീഴില് അമര്ന്നൊരു
വിഫല സ്പനം അല്ലെന്റെ ചെന്കാഴ്ചകള് !!!
അങ്ങ് നിന് ചോറൊക്കെ ആഴ്ഴി ഉണ്ടീടവേ
ഇങ്ങു നിന് ബാല്യം വിശപ്പുണ്ട് വീഴിലും ..
പൊന്നിന് കുരിശും,ശീവേലിയും നേര്ന്നു ,
പിന്നെയും നീ വൃഥാ അന്നം കൊതിക്കവേ ..
പൊട്ടി തെറിക്കാന്, പുകച്ചുരുള് പിന്നിലൊരു
പുത്തന് പ്രഭാതം കടം തന്ന കാഴ്ചകള്..
ബലി കുടീരങ്ങള്ക്ക് കീഴില് അമര്ന്നൊരു
വിഫല സ്പനം അല്ലെന്റെ ചെന്കാഴ്ചകള് !!!
ചീയും തലപ്പിന്റെ നാളത്തെ ചില്ലയില് ,
പൂവും ഫലങ്ങളും പൂക്കുന്ന കാഴ്ചകള്..
മുക്കുവ പെണ്ണിന്റെ പച്ചോല കൂരയില്,
അക്ഷരം കത്തും വെളിച്ചത്തിന് കാഴ്ചകള്..
വേദമേന്തിയ രാമന്-മുഹമ്മതിന്
തോളില് വേതാളം എത്താത്ത കാഴ്ചകള്
ബലി കുടീരങ്ങള്ക്ക് കീഴില് അമര്ന്നൊരു
വിഫല സ്പനം അല്ലെന്റെ ചെന്കാഴ്ചകള് !!
തകരാത്ത മലയുടെ താഴവാര ചോട്ടിലെന്
നിള നീട്ടി ഒഴുകുന്ന കുളിരുള്ള കഴ്ചകള് ..
ജലപാനമില്ലാതെ നീ മയന്ഗീടവേ
പ്രളയം വിഴുന്ഗാത്ത നേരിന്റെ കാഴ്ചകള്...
സ്വപങ്ങള് എന്നോ മരിച്ച നിന് നെഞ്ചിലൊരു
സ്വപ്ന ചിരാതില് തിരി വെച്ച കാഴ്ചകള്...
ബലി കുടീരങ്ങള്ക്ക് കീഴില് അമര്ന്നൊരു
വിഫല സ്പനം അല്ലെന്റെ ചെന്കാഴ്ചകള് .!!
ഇനി,
തെരുവില് വേവുന്ന നിന് പകല് കാഴ്ചയില്,
കരുതിവേയ്ക്കുവിന് എന്റെ നേര്കാഴ്ചകള്...
ബലി കുടീരങ്ങള്ക്ക് കീഴില് അമര്ന്നൊരു
വിഫല സ്പനം അല്ലെന്റെ ചെന്കാഴ്ചകള് .!!
സമര്പ്പണം
ഒരു പുത്തന് പ്രഭാതത്തിന്റെ സ്വപ്നങ്ങള്ക്കുമേലെ ഭരണകൂടത്തിന്റെ ഭീകരത അഴിഞ്ഞാടിയപ്പോള് പൊഴിഞ്ഞു പോയ രക്ത നക്ഷത്രത്തിന്
--
